Crypto အရောင်းအ၀ယ်လုပ်တာကို Trading လုပ်တယ်လို့ မခေါ်ဘူးဆိုပြီး ပြောတဲ့သူတချို့ကြောင့် Trading ဆိုတာဘာကိုခေါ်ပါသလဲလို့ လာမေးသူတချို့ရှိပါတယ်။ နောက်ထပ်မသိသေးသူတွေလည်း ရှိမယ်ထင်လို့ ယခင်ရေးထားတာလေးပြန်ရှာပြီး ဖြည့်စွက်ရေးပေးပါတယ်။
Trading ရဲ့ အဓိပ္ပာယ်က ဘာလဲ။ ကုန်သွယ်ရောင်းဝယ်ခြင်းဖြစ်ပါတယ်။ ဒါဆိုရင် Trading Law (ကုန်သွယ်မှုဥပဒေသ) ဆိုတာရော သိမယ်ထင်ပါတယ်။ ဒီဥပဒေသမှာ ရောင်းသူဝယ်သူ ရှိရမယ်၊ ရောင်းကုန်ပစ္စည်းရှိရမယ်၊ ဈေးကွက်ရှိရမယ်။ ဒီသုံးခုပြည့်စုံမှသာလျှင် ဒီဥပဒေသထဲ အကျုံးဝင်ပါမယ်။ ကိုယ်ဝယ်ထားတဲ့ ကုန်ပစ္စည်းကို ကိုယ်လိုချင်တဲ့ဈေး၊ ကိုယ်ရောင်းချင်တဲ့နေရာမှာ အချိန်မရွေး ရောင်းဝယ်နိုင်ခွင့်ရှိရမယ်။ ဒါသည်ပင် Trading လို့ခေါ်ပါတယ်။ ဈေးထဲမှာ ဟင်းရွက် ကန်စွန်းရွက်ရောင်းဝယ်ဖောက်ကားနေသူတွေလည်း Trader တွေပါပဲ။ အသေးစား၊ အလတ်စား၊ အကြီးစား ဆိုပြီးကွဲပြားပါတယ်။
Forex, Binary မှာ ဒီဥပဒေသအကျုံးဝင်ပါရဲ့လား သေချာကြည့်သင့်ပါတယ်။ တကယ်တော့ forex, binary တွေဟာ trading ဥပဒေသထဲ အကျုံးမ၀င်ပါဘူး။ gambler ဥပဒေသထဲ ပါဝင်သွားပါတယ်။ သူတို့ကိုကြည့်ရင် ပြင်ပလောကမှာ အချိန်နဲ့အမျှ အတက်အကျဖြစ်ပေါ်နေတဲ့ ငွေကြေးစီးကြောင်းတစ်ခုကို အတက်အကျခန့်မှန်းပြီး ကစားရတာဖြစ်ပါတယ်။ Buy/Sell တော့ ဟုတ်ပေမယ့် ကိုယ် buy သမျှ ကိုင်ထားလို့မရပါဘူး။ ဘယ်အချိန်မှာ ကျလိမ့်မယ်ဆိုပြီး ကျဈေးကိုရွေးလိုက်လို့ ကိုယ်ဝယ်ထားတာထက် ကျသွားခဲ့ရင် ကိုယ်မြတ်ပါတယ်။ တက်ရင်တော့ ရှုံးပါတယ်။ ဒါဟာ ကံစမ်း ပညာစမ်းကစားရတဲ့ ဒိုင်လက်ထဲ ကံတရားမရှိတဲ့ လောင်းကစား တစ်မျိုးပါပဲ။ ဘောလုံးပွဲလောင်းခြင်းဟာလည်း ဒီသဘောပါပဲ။
Trading လို့ဆိုလိုက်တာနဲ့ Investing ကလည်း ပါဝင်ပြီးဖြစ်တယ်။ ရင်းနှီးမြှုပ်နှံမှုမရှိဘဲ Trading လုပ်လို့မရပါဘူး။ Investing ဆိုတာကရောဘာလဲ၊ ရင်းနှီးမြှုပ်နှံမှုဖြစ်ပါတယ်။ စုဆောင်းခြင်း (Saving) မဟုတ်ပါဘူး။ ရင်းနှီးမြှုပ်နှံမှုတိုင်းမှာ အကျိုးအမြတ်ရှိပါတယ်။ ဒီတိုင်း မြှုပ်နှံထားရုံနဲ့ အကျိုးအမြတ်က တိုးပွားမလာပါဘူး။ အချိန်တန်ရင် ထုတ်ရောင်းပေးရပါမယ်။ ဒါမှသာလျှင် အကျိုးအမြတ်တိုးပွားလာမှာဖြစ်ပါတယ်။ ကိုယ့်ရဲ့ ကုန်ပစ္စည်းတွေကို အမြတ်များများရဖို့အတွက် အချိန်တော်တော်ကြာ ကိုင်ထားသင့်ရင် ကိုင်ထား စုထားရပါတယ်။ ပြန်မရောင်းဘဲ စုဆောင်းရုံပဲ စုဆောင်းနေမယ်ဆိုရင်တော့ Saving ပဲ ဖြစ်ပါလိမ့်မယ်။ ငွေကို အိပ်ခိုင်းထားတဲ့သဘောပါပဲ။ တချို့က ငွေကို ရှယ်ယာ ၀င်ပြီး အတိုးထုတ်စားနေတာကိုပဲ Investing လုပ်တယ်ထင်ကြပါတယ်။ တကယ်တော့ အဲ့ဒီငွေတွေဟာ အိပ်မနေပါဘူး။ ကိုယ်ရင်းနှီးထည့်ဝင်လိုက်တဲ့ အဲ့ဒီငွေတွေကို လက်ခံသူက အရောင်းအ၀ယ်လုပ်ပြီး အမြတ်ရှာရတာပါပဲ။ သူတို့လည်း အလှစုထားပြီး အတိုးမပေးနိုင်ပါဘူး။ Trader တွေဟာ Investing လည်းလုပ်ရသလို၊ Saving လည်းလုပ်ပေးရပါတယ်။
____________________________________
written by Bitcoin Seeker
0 comments:
Post a Comment